Achto nikochis nopetlak, nonos uan, ijkon nitlatemiktis, ninoluias ach xanoui katka notonal naman… “Aj! Ton katka?, Ton elis nej!? Ajke nejnemis numpuna?” Ninomaujtis, noyolo xoncholo, xoncholo… Niknekis nikseuis noyolo uan nitonaltsajtsas inikpana kiualas oksepa. Ajmo nimatis kampa uelis iatis… “Kema melak… Nejin miktin mitstoton… Miktle aj!” Tel notonal ajmo ualas uan ajmo niuelis nikijtos: “nikan…

Naja nicholoteka, ajke oualaj tech okse tlajle: nouiampa niatis okse tlakamej ajmo nechixmatiskej. Nojkia nonchampoiouan onechtotokajkej uan onechkauilijkej, kiauak nokalijtik, kiauak tlaltikpak, kiauak nochi. Onikizak xotzti nonantzin nikan polojtok xochitlajle kitokaj tlaltikpak uan oiaj kaman nitelpoch nikatka. Onikizak nochan kitemos tlasoltlalistle numpuna, okse tlalko ika ajkeni axkana onechixmatiaiaiaj ijkon itlakamekaioj, kiauak nonakaioj, kiauak noiesoj, kiauak…